काठमाडौं । नेपाली कांग्रेस संसदीय दलको नेतामा संस्थापन इतर समुहबाट महामन्त्री गगन कुमार थापाले आफ्नो उम्मेदवारी दिने भएका छन् ।
संस्थापन पक्षले पार्टी सभापति शेरबहादुर देउवा उम्मेदवार बन्ने भएपछि इतर समुहले देउवा विरुद्ध थापालाई अघि सारेको हो । डा.शेखर कोइरालासँग सोमबार र मंगलबार दुई दिन भएको छलफलमा गगनले देउवाविरुद्ध उम्मेदवारी दिने सहमति जुटेको हो । सोमबारको छलफल टुंगोमा नपुगेपछि मंगलबार बिहान पुनः कोइराला र थापा पक्षबीच छलफल भएको थियो ।
सो छलफलमा थापा संसदीय दलको नेताको उम्मेदवार बन्ने र कोइराला प्रस्तावक बन्ने सहमति भएको जनाइएको छ ।
प्रतिक्रिया