काठमाडौं । नेपाली कांग्रेसको संसदीय दलको नेता चयनका लागि मंगलबार उम्मेदवारी दर्ता गर्ने समय दिएको छ ।
मंगलबार बिहान ८ देखि १० बजेसम्म उम्मेदवारको लागि दरखास्त दिने समय तोकिएको हो । साथै, दिउँसो ३ बजे उम्मेदवारको अन्तिम नामावली प्रकाशन गरिने निर्वाचन कार्यतालिका रहेको छ । उम्मेदवारी दर्ता शुल्क ५१ हजार तोकेको छ । संसदीय दलको नेता चयनको लागि बुधबार मतदान हुँदै छ । बुधबार बिहान ८ देखि १० बजेसम्म मतदान तालिका छ ।
नेपाली कांग्रेसको विधान अनुसार प्रधानमन्त्री बन्नका लागि संसदिय दलको नेता अनिवार्य हुनुपर्छ । कांग्रेस भित्र यतिबेला आधा दर्जन भन्दा बढी प्रधानमन्त्रीका आकांक्षी रहेका छन् । सोही अनुरुप बुधबार नेपाली कांग्रेसको संसदिय दलको लागि निर्वाचन हुँदैछ् । कांग्रेसबाट प्रतिनिधिसभामा निर्वाचिन ८९ जना सांसदहरु मात्रै दलको नेता छान्ने प्रक्रियामा सहभागी हुन पाउनेछन् ।
संस्थापन पक्षबाट सभापति शेरबहादुर देउवा सर्वसम्मत संसदीय दलको नेताको उम्मेदवार बन्दै छन् भने इतर समूहमा शेखर कोइराला र गगन थापा दुवैको आ–आफ्नै दाबी रहेको छ ।
प्रतिक्रिया