यस्तो छ विश्वकप फुटबलको पुरस्कार राशी

एजेन्सी । कतारमा जारी फिफा विश्वकप फुटबलको उपाधि अर्जेन्टिनाले हात पारेको छ ।

कतारको लुसेल स्टेडियममा भएको रोमाञ्चक खेलमा फ्रान्सलाई टाइब्रेकरमा ४–२ ले हराउँदै अर्जेन्टिनाले ३६ बर्षपछि विश्वकपको उपाधि उचालेको हो । तेस्रो पटक उपाधि उचालेको अर्जेन्टिनाले यसअघि सन सन् १९७८ र १९८६ मा विश्वकप ट्रफी उचालेको थियो। कतार विश्वकपमा झन्डै ४४ करोड अमेरिकी डलर पुरस्कारका रूपमा छुट्ट्याइएको छ।

जसमध्ये विजेता अर्जेन्टिनाले ४ करोड २० लाख अमेरिकी डलर प्राप्त गर्नेछ । त्यस्तै उपविजेता बनेको फ्रन्सmले ३ करोड अमेरिकी डलर , तेस्रो विजेता क्रोएशियाले २ करोड ७० लाख अमेरिकी डलर र चौथो विजेता मोरक्कोले २ करोड ५० लाख अमेरिकी डलर प्राप्त गर्ने छन्।

यस्तै विश्वकपको क्वाटरफाइनल सम्म पुग्ने टोलीले १ करोड ७० लाख, अन्तिम १६ मा पुग्ने टोलीले १ करोड ३० लाख र बाँकी १६ टोलिले ९० लाख अमेरिकी डलर पाउँनेछन् ।