काठमाडौं । सांगीतिक कार्यक्रमका लागि अमेरिका उडेकी आस्थालाई अमेरिकाको अध्यागमनले फिर्ता पठाइदिएको छ।
भिजिट भिसामा अमेरिका गएकी आस्थालाई इमिग्रेसनले भिजिट भिसामा अमेरिकामा कार्यक्रम गर्न नमिल्ने भन्दै फर्काइदिएको हो। इमिग्रेसनले उनलाई पर्फमेन्स भिसा लिएर आउन भनिएको छ। आस्थाले आफू अमेरिकाबाट फर्कनु प्राविधिक समस्या भएको बताएकी छन्।
उनले भनिन्, ‘ भिजिट भिसामा यस अगाडि म पटक–पटक अमेरिका पुगेर कार्यक्रम गरेर फर्किएको हो तर अहिले भने भिजिट भिसा हुँदैन, पर्फमेन्स भिसा चाहियो भनेर फर्कायो।’ उनले अमेरिकाको नियम परिवर्तन भएका कारण आफूलाई फर्काइएको हुनसक्ने बताएकी छन्। इमिग्रेसनले नेपालमा रहेको अमेरिकन दूतावासमा गएर सल्लाह गर्न भनेको थियो।
गत डिसेम्बर १२ मा फर्किएकी आस्था अमेरिका दूतावास जान भने भ्याएकी छैनन्।
प्रतिक्रिया