जाजरकोटमा जीप दुर्घटना हुँदा ११ जनाको मृत्यु

जाजरकोट । जाजरकोटमा आइतबार दिउँसो जीप दुर्घटना हुँदा ११ जनाको मृत्यु भएको छ । 

कर्णाली प्रदेश २००१ च ०४२९ नम्बरको जीप छेडागाड नगरपालिका वडा नम्बर ३ जेवाबाट ४ को लेवातर्फ जाँदै गर्दा दशेराको बीचमा पर्ने भिरपाटीमा सडकबाट तल खस्दा ११ जनाको मृत्यु भएको स्थानीय रेशम खड्काले जानकारी दिए । दुर्घटनामा घटनास्थलमै ९ जनाको मृत्यु भएको र २ जनालाई उपचारका लागि अस्पताल लैजाने क्रममा बाटोमै मृत्यु भएको हाे । हालसम्म मृतक केहीकाे नाम खुले पनि अन्यकाे सनाखत भइसकेको छैन।

दुर्घटनामा तीन जना घाइते भएका छन् । उनीहरूको उद्धार गरी उपचारका लागि नेपालगञ्ज पठाइएको छ। मध्यपहाडी सडक खण्डमा भएको साे दुर्घटनाबारे थप विवरण आउन बाँकी छ ।