जाजरकोट । जाजरकोटमा जीप दुर्घटना हुँदा ज्यान गुमाउनेको संख्या १२ पुगेको छ ।
दुर्घटनामा घाइते जैभान अधिकारीको उपचारका क्रममा प्रदेश अस्पताल सुर्खेतमा ज्यान गएपछि ज्यान गुमाउनेको संख्या १२ पुगेको हो । दुर्घटनामा ज्यान गुमाउने १२ जनामध्ये ८ जना एकै वडाका रहेका छन् । जाजरकोट छेडागाड नगरपालिका–५ का जैभान अधिकारीसहित दीपक अधिकारी, नैनसरा अधिकारी, जैकुवरा बुढा, रामबहादुर बुढा, देवीसरा बुढा, अमर अधिकारी, निशा अधिकारीको ज्यान गएको हो ।
छेडागाड–६ का वीरबहादुर खत्रीको पनि ज्यान गएको जिल्ला प्रहरी कार्यालय जाजरकोटले जनाएको छ । छेडागाड नगरपालिका वडा नम्बर ५ मा सोमबार दिउँसो कर्णाली प्रदेश ०२–००१ च ४२९ नम्बरको जन्ती सवार जिप दुर्घटना भएको थियो ।
प्रतिक्रिया