काठमाडौं । नेकपा एमालेका नेता गोकुल बास्कोटाको भक्तपुरस्थित घरमा शंकापद वस्तु फेला परेको छ ।
शंकास्पद वस्तु फेला परेपछि नेपाली सेनाको बम डिस्पोजल टोली पुगेको भक्तपुर प्रहरी परिसरका प्रवक्ता ढिएसपी राजु पाण्डेले जानकारी दिएका छन् । शंकास्पद वस्तु फेला परेपछि वरिपरि सुरक्षा व्यवस्था कडा बनाइएको उनले बताए। ‘ अहिले सेनाको बम डिस्पाजल टोली आएर अनुसन्धान भइरहेको छ,’ पाण्डेले भने,‘ काठमाडौंबाट पनि थप टोली आएर काम सुरु भएको हो।’
आइतबार बिहान बास्कोटाको घरको पर्खालमा शंकास्पद वस्तु देखिएको थियो । शंकास्पद वस्तु कसले राख्यो भन्ने खुल्न बाँकी रहेको प्रहरीले जनाएको छ । बास्कोटा भने अहिले घरमा छैनन्।
प्रतिक्रिया