काठमाडौं । बारम्बार पुस्तान्तरको मुद्दालाई जोड तोडले उठाईरहेका नेपाली कांग्रेसका महामन्त्री गगनकुमार थापा यस पटक प्रधानमन्त्री बन्ने दाउमा छन् ।
थापाले मनोनयन दर्ता अघि देखी नै प्रधानमन्त्रीमा आफ्नो दाबि रहने बताउँदै आएका थिए । उनलाई अर्का महामन्त्री विश्वप्रकाश शर्मा र पार्टी भित्र पनि युवा पंक्तिको बलियो सर्मथन रहेको छ । तर नेपाली कांग्रेसको विधान अनुसार प्रधानमन्त्रीमा दाबि गर्नका लागि पहिला संसदिय दलको नेता चयन हुनुपर्छ । जुन कुरा थापाका लागि फलामको गेट साबित हुनसक्छ ।
नेपाली कांग्रेसमा सर्वसम्मत दलको नेता चयन हुन नसके मतदान मार्फत ५१ प्रतिशत मत त्याउने व्यक्ति दलको नेता बन्नेछ । यता ५–५ पटक प्रधानमन्त्री बनिसकेका कांग्रेस सभापति देउवाले विगत देखिनै छैठौँ पटक प्रधानमन्त्री बन्ने ईच्छाशक्ति जाहेर गर्दै आएका छन् । त्यसैले पनि प्रधानमन्त्रीमा उनको दाबि स्वाभाविक हो ।
निर्वाचनको अन्तिम परिणाम नआउँदै देउवा संसदिय दलको नेता बन्न र आगामी सरकारको नेतृत्व सम्हाल्न पार्टी भित्र र गठबन्धनका दलहरुसंग समानान्तर छलफलमा जुटिसकेका छन् । यता बरिष्ठ नेता रामचन्द्र पौडेल पनि निर्वाचित भएसंगै तारन्तार प्रधानमन्त्रीमा आफ्नो बलियो दाबि रहने बताईरहेका छन् ।
महामन्त्री थापाले निर्वाचित भएलगत्तै आफु संसदीय दलको नेताको तयारीमा लागेको घोषणा गरेका थिए । उनले निर्वाचनबाट प्रधानमन्त्रीका लागि म्यान्डेट पाएको र संस्थापनसँग विद्रोह गरेर परिणाम निकाल्न जनताले आफुलाई अत्याधिक मतले जिताएर पठाएको दाबि गर्दैं आएका छन् । यतिमात्रै होईन कांग्रेभित्रै नेता शेखर कोईराला, शशंक कोईराला, प्रकाशमान सिंह लगाएत ६ जना प्रधानमन्त्रीको दौडमा छन् । जसकारण कांग्रेस भित्र सर्वसम्मत दलको नेता चयन हुने सम्भावना देखिदैन् ।
जसले दलको निर्वाचनमा बहुमत जुटाउन सक्क उहि मात्रै दलको नेता चयन हुनेछ । हालसम्मको नतिजा अनुसार कांग्रेसले प्रत्यक्षमा ५५ सिटमा आफ्नो जित निकाल्ने सम्भावना देखिएको छ । यसमध्य अधिकांश स्थानमा संस्थापन पक्षकै सांसदहरु निर्वाचित भएका छन् । त्यस्तै कांग्रेसले समानुपातिकमा हालसम्म प्राप्त गरेको मतको आधारमा ३३ जना सांसद निर्वाचित हुने देखिन्छ । समानुपातिकमा पनि अधिकांश देउवा निकटकै व्यक्तिहरु पर्नेछन् ।
यस आधारमा कांग्रेस संसदीय दल करिब ८९ सदस्यीय हुने सम्भावना छ । संसदीय दलमा बहुमत पाउनका लागि कुनै पनि व्यक्तिले ४५ सांसद आफ्नो पक्षमा पार्नुपर्ने हुन्छ । अहिले सम्म हेर्दा संस्थापन ईतर पक्षसंग जम्म ३२ जना सांसद मात्रै रहने देखिन्छ । ईतर पक्षकै पनि अन्य नेताहरुको प्रधानमन्त्रीमा दाबेदारी रहँदा यता गगनको प्रधानमन्त्री बन्ने सपनामा चुनौतिको पहाड उभिएको छ ।
जसकारण प्रधानमन्त्रीमा थापाको दाबि निकै कमजोर धरातलमा उभिएको घर जस्तै बनेको छ ।
प्रतिक्रिया