आईतबार दिउँसो भएको खेलमा कोस्टारिकासँग जापान पराजीत

एजेन्सी । कतारमा जारी फिफा विश्वकप फुटबलको आईतबार भएको खेलमा एसियाली राष्ट्र जापान कोस्टारिकासंग पराजित भएको छ ।

पहिलो खेलमा जर्मनीलाई स्तब्ध बनाएको जपानले दोस्रो खेलमा कोस्टारिकासँग १–० गोल अन्तरले पराजीत हुनु परेको हो । अहमेद बिन अली स्टेडियममा आइतबार दिउँसो भएको खेलमा कोस्टारिकाले जापानलाई हराएर समूह ईमा पहिलो जित निकालेको छ । कोस्टारिकालाई पहिलो जित दिलाउन फुलर स्पेन्सले ८१औं मिनेटमा निर्णायक गोल गरे ।

पहिलो खेलमा स्पेनसँग ७–० को पराकिलो अन्तरले पराजित भएको कोस्टारिकाले पहिलो जितबाट ३ अंक जोडेको छ र अन्तिम १६ मा पुग्ने सम्भावना कायम राखेको छ । दुई खेलपछि जापान र कोस्टारिकाको समान ३ अंक छ ।

अब समुहको अन्तिसम खेलमा जापानले स्पेनसँग खेल्नेछ भने कोस्टारिकाले जर्मनीसँग खेल्नेछ ।