गठबन्धन सरकारले संसद भंग गर्दैनः देउवा

नवलपरासी । प्रधानमन्त्री तथा नेपाली कांग्रेसका सभापति शेरबहादुर देउवाले गठबन्धनले जिते ५ वर्ष संसद भंग नगर्ने दोहार्‍याएका छन् ।

मंगलबार बाम लोकतान्त्रीक गठबन्धनले नवलपरासीमा आयोजना गरेको चुनावी सभालाई सम्बोधन गर्दै आफुहरुले ५ बर्ष संसद चलाउने बताएका हुन् । ‘आफ्नो बिरोध हुने बित्तिकै ओलीले रिसको झोकमा विना कारण संसद भंग गरे । हामीले त्यसो गर्दैनौं,’ देउवाले भने, ‘हुँदै नभएको अधिकार प्रयोग गरेर ओलीको जस्तो गरी हामीले संसद भंग गर्दैनौं । हामी ५ वर्ष संसद चलाउँछौ । त्यसका लागि गठबन्धनलाई जिताउन आवश्यक छ ।’

आफूहरुको बीचमा असहमति पैदा गरी गठबन्धन फुटाउन एकथरी तत्व लागेको आरोप लगाउँदै उनले गठबन्धनका बारेमा कसैले चिन्ता गर्न नपर्ने बताए । संविधानको रक्षाका लागि ५ दलिय गठबन्धन बनेको बताउँदै उनले चुनावपछि पनि गठबन्धन कायम रहने बताए् ।