पाल्पा । बाम लोकतान्त्रीक गठबन्धनका साझा उम्मेदवार सोम प्रसाद पाण्डेयले पाल्पा जिल्लालाई शैक्षिक क्षेत्रको हब बनाउने बताएका छन् ।
पाल्पा क्षेत्र नं. २ का प्रतिनीधिसभा सदस्यका उम्मेदवार पाण्डेयले अनलाइन शिक्षा, भर्चुअल कक्षा सञ्चालनका साथै पठनपाठनमा सूचना तथा सञ्चार प्रविधिको प्रभावकारी उपयोग गर्न आवश्यकपूर्वाधारको विकाससहित विशेष कार्यक्रमहरु सञ्चालन गरि पाल्पालाई शैक्षिक क्षेत्रको हब बनाउने बताएका हुन् । उनले शिक्षाको गुणस्तर कायमगर्न, सुधार गर्न तथा शिक्षण सिकाइ पद्धतिलाई व्यवस्थित बनाउन प्रादेशिक शिक्षा, नीति, कानुन, शैक्षिक योजना तर्जुमा गरि शैक्षिक संस्थाहरुमा इन्टरनेट सेवाको पहुँचलाई जोड्ने बताएका हुन् ।
पाण्डेयले अनलाइन एजुकेसन तथा लिट्रेसी कार्यक्रमलाई निरन्तरता दिँदै शिक्षक तालिमलाई प्रविधिसँग आवद्ध गरी विद्यालयमा अनलाइन तथा अफलाइन पद्धतिमार्फत शिक्षक सिकाइका लागि आवश्यक पूर्वाधारको विकास गरिने बताए ।
प्रतिक्रिया