कैलाली । नेकपा एमालेका अध्यक्ष केपी शर्मा ओलीले आउँदो निर्वाचनबाट माधवकुमार नेतृत्वको नेकपा एकिकृत समाजवादी पार्टी समाप्त हुने बताएका छन् ।
शनिबार कैलालीमा आयोजित चुनावी सभामा सम्बोधन गर्दै उनले पार्टी र देशका विरुद्ध अपराध गरेको भन्दै माधव नेपालको पार्टी यही चुनावबाट सकिने बताएका हुन् । उनले नेकपा एसलाई खरानिको डल्लोको संज्ञा दिदैं चुनावपछि फुट्ने बताएका हुन् । एकीकृत समाजवादीबाट धेरै नेताहरु एमालेमै फर्किसकेको पनि उनले दावी गरे ।
ओलीले माओवादी केन्द्र पनि भविष्यमा समाप्त हुने बताए । २०७४ सालको निर्वाचनमा एमालेसँग तालमेल गर्दा माओवादी केन्द्रले ५४ सिट जितेको भन्दै ओलीले अहिले चोक्टा खान जाँदा झोलमा डुबेको जस्तो हुने बताए ।
प्रतिक्रिया