कतार विश्वकपका लागि साउदी अरेबियाको टिम घोषणा

काठमाडौं । कतारमा हुने विश्वकप २०२२ का लागि साउदी अरेबियाले टिम घोषणा गरेको छ ।

नोभेम्बर २० बाट सुरु हुने विश्वकप फुटबलका लागि प्रशिक्षक हर्भ रेनार्डले २६ सदस्यीय टोली घोषणा गरेका हुन् । साउदी अरेबियाको टोलीमा गोलकिपर मोहमेद अल–ओवाइस, मोहमेद अल रुबाइ, नवाफ अल–अकिदी रहेका छन् । त्यस्तै डिफेण्डरमा यासेर अल शाहरानी, मोहमेद अल ब्रेइक, अली अल बुलाइही, सुल्तान अल घानम, साउद अब्दुलहामिद, अब्दुलेलाह अल अमरी, हसन ताम्बाक्ती, अब्दुल्लाह मादु छन् ।

मिडफिल्डर फहद अल मुवालाद, सल्मान अल फराज, सलिम अल डावासरी, अब्दुल्लाह ओताइफ, हातेम बाह्रबी, मोहमेद कान्ने, अब्दुलेलाह अल माल्की, सामी अल नाजेई, अली अल हसन, नासेर अल डावासरी, अब्दुलनरहमान अल अबोउद, रियाद शाराहिली र फरवार्डमा फिरास अल बुराइकन, सालेह अल शेस्री, हाइथाम असिरी रहेका छन् ।

समूह सी मा रहेको साउदी अरेबियाले नोभेम्बर २२ मा अर्जेन्टिनासँग विश्वकपको पहिलो खेल खेल्नेछ ।