काठमाडौं । नेपाल क्रिकेट संघ (क्यान)ले रोहितकुमार पौडेललाई नेपाली क्रिकेट टिमको नयाँ कप्तानमा नियुक्त गरेको छ ।
सन्दीप लामिछाने निलम्बनमा परेपछि रिक्त रहेको राष्ट्रिय क्रिकेट टिमको कप्तान पदमा शुक्रबार साँझ रोहितलाई कप्तानको जिम्मेवारी दिएको हो । नेपालले यही कात्तिक २८ गतेदेखी घरेलु मैदानमा युएईविरुद्ध तीन खेलको एकदिवसीय अन्तर्राष्ट्रिय (ओडिआई) शृंखला खेल्दैछ । त्यसैको पूर्वसन्ध्यामा क्यानले नयाँ कप्तान नियुक्त गरेको हो ।
रोहितले केन्या टुरमा ५० ओभरको खेलमा नेपालको कप्तानी गरिसकेका छन् । यसअघि सन्दीप कप्तान हुँदा रोहित उपकप्तान थिए ।
प्रतिक्रिया