रौतहट । रौतहटको दुर्गाभगवती गाउँपालिकामा गए राती एक घरमा भएको आगलागीमा परि एक दर्जन चौपाया जलेर नष्ट भएका छन् भने आगलागीबाट लाखौँ रकम बराबरको धनमाल क्षति भएको छ ।
दुर्गा भगवती गाउँपालिका ४ पचरुखीका लक्ष्मण महतोको घरमा गए राती ११ बजे आगलागी भएको थियो । आगलागीबाट गोठमा रहेको एउटा भैँसी, ,१० वटा खसी बाख्रा, केही काठ, धान, गहुँ, लत्ताकपडा जलेको तथा घरमा पनि पूर्ण रुपमा क्षति भएको पीडित परिवारले जनाएका छन् ।
लामखुट्टे धपाउन बालिएको घुपबाट सल्किएको आगो बाट १० लाख रूपैयाँ बराबरको क्षति भएको प्रारम्भिक अनुमान गरिएको छ ।
प्रतिक्रिया