रुकुम । रुकुम पश्चिमको प्रसिद्ध धार्मिक डिग्रे मेला सुरु भएको छ ।
मुसीकोट नगरपालिका ५, थर्पुमा रहेको डिग्रे शाइकुमारी मन्दिर परिसरमा शुक्रबारहरिबोधनी एकादशिदेखि धार्मिक मेला सुरु भएको हो । हरेक वर्ष कार्तिक पूर्णिमाका दिन विशेष मेला लाग्ने भएपनि हरेक एकादशि देखि मेला सुरु हुने गर्छ । यो वर्ष कात्तिक २२ गते मुख्य मेला परेको छ ।
मन्दिरमा वर्षैभर पूजाआजा र बलि चढाउने भएपनि हरिबोधनी एकादशिका दिनबाट विशेष तरिकाले पूजाआजा हुन्छ भने बलि चढाउनेको संख्या पनि धरै हुन्छ । एकादशिदेखि चतुर्दशिसम्म विशेष पूजाआजा हुन्छ र पूर्णिमाको दिन भव्य मेला लाग्ने गर्दछ । एकादशिका र पूर्णिमाको दिन बलि चढाउन नमिल्ने तर पुजाआजा भने हुने मेला व्यवस्थापन समितिले जनाएको छ ।
शनिबार देखि २१ गते चतुर्दशीका दिन सम्म भने बोकाको बलि चढाउका साथै पुजाआजा हुने गर्छ । डिग्रे मेला जिल्ला तथा कर्णाली प्रदेशकै ठूलो धार्मिक मेला हो । यस मन्दिरमा रुकुम पश्चिम संगै छिमेकी जिल्ला रुकुम पूर्व, जाजरकोट, सल्यान, रोल्पा, दाङ संगै अन्य जिल्लाका भक्तजनहरु पनि मेला भर्न तथा दर्शनका लागि आउने गर्दछन् ।
यस मन्दिरमा दर्शन तथा पुजाआजा गर्नाले मनले चिताएको पूरा हुने धार्मिक विस्वास रहेको छ ।
प्रतिक्रिया