कांग्रेसको नेतृत्वमा बनेको संविधानले सबैलाई अधिकार दिएको छ : वरिष्ठ नेता पौडेल

तनहुँ । नेपाली कांग्रेसका वरिष्ठ नेता रामचन्द्र पौडेलले नेपाली कांग्रेसको नेतृत्वमा बनेको संविधानले सबै वर्गलाई अधिकार दिएको बताएका छन् ।

तनहुँमा आयोजित मतदाता भेटघाट कार्यक्रममा बोल्दै उनले नेपालको संविधान दक्षिण एसियामा सबैभन्दा सन्तुलित रहेको बताए । तनहुँ क्षेत्र नम्बर १ बाट प्रतिनिधिसभा सदस्य उम्मेदवार समेत रहेका पौडेलले नेपालमा लोकतन्त्र साकार भइरहेको भन्दै त्यसलाई खलबलाउने प्रयास भइरहेको दाबी समेत गरे ।

नेपालमा लोकतन्त्र सबल भइरहँदा त्यसलाई खलबलाउने कोसिस भइरहेको र लोकतन्त्र र जनताको अधिकारलाई रक्षा गर्दै अग्रगमनतर्फ अगाडि बढ्ने प्रयत्न गर्न गठबन्धन तयार रहेको उनको भनाई छ । उनले खराब व्यक्तिको हातमा सत्ता पुग्यो भने देश बर्बादीतर्फ जाने भएकाले जनता सचेत हुनुपर्ने बताए ।

कार्यक्रममा बोल्दै पौडेलले तनहुँको छिम्केश्वरीलाई गुरुयोजना निर्माण गरेर धार्मिक पर्यटनको केन्द्रविन्दु बनाइने पौडेलको बताए । आँबुखैरेनी तनहुँ र गोरखाको केन्द्र र गण्डकी प्रदेश छिर्ने नाका पनि रहेकाले, यसलाई नमूना बनाएर सन्देश दिनुपर्ने पौडेलको भनाई छ ।