सन्दिप विरुद्धको अभियोगमा थुनछेक बहस शुरु, मुद्दा हेर्दाहेर्दैमा

काठमाडौं । नेपाली क्रिकेट टोलिका पूर्व कप्तान सन्दीप लामिछानेबिरुद्धको अभियोगमा बुधबारबाट थुनछेक बहस शुरु भएको छ ।

बहसको पहिलो दिन काठमाडौं जिल्ला अदालतमा प्रतिवादीको तर्फबाट दुई कुरामा जोड दिएको सन्दीप पक्षका वकील मुरारी सापकोटाले बताए । उनले जबरजस्तीकरणीको अभियोग दर्ता गराएकी किशोरीको अभियोग पुष्टि हुने प्रत्यक्ष प्रमाण अभियोजनपक्षले पेस गर्न नसकेको उल्लेख गरे ।

पीडित भनिएकी व्यक्तिको वास्तविक उमेर नागरिकता वा जन्मदर्ता केलाई आधार मान्ने भन्नेबारेमा पनि वकालत गरेको सापकोटाको भनाई छ । नागरिकता जागिर खानलाई सहज बनाउनका लागि घटाएर बनाइने प्रचलन रहेकाले जन्मदर्तालाई नै आधार मान्नुपर्ने कुरामा जोड दिएको उनले बताएका छन् ।

बुधवारबाट शुरु भएको थुनछेक बहस नसकिएकाले उक्त मुद्दालाई हेर्दाहेर्दैमा राखिएको छ ।