काठमाडौं । अर्थमन्त्री जनार्दन शर्मा (प्रभाकर) र नेपालका लागि नवनियुक्त अमेरिकी राजदूत डिन आर. थम्प्सनबीच भेटवार्ता भएको छ ।
मंगलबार अर्थ मन्त्रालयमा मन्त्री शर्मा र थम्प्सनबीच शिष्टाचार भेट भएको हो । भेटमा द्विपक्षीय सम्बन्ध थप मजबुत बनाउनुका साथै सहयोग र हितका बारे छलफल भएको अर्थ मन्त्री शर्माको सचिवालयले जनाएको छ । त्यस्तै भेटवार्तामा मन्त्री शर्माले नेपालमा रहँदा सफल र सुखद् कार्यकालका लागि नवनियुक्त राजदूत थम्प्सनलाई शुभकामना समेत दिएका छन् ।
थम्पसनले मंगलबार नै पूर्वप्रधानमन्त्री तथा नेपाल कम्युनिष्ट पार्टी (माओवादी केन्द्रका) अध्यक्ष पुष्पकमल दाहाल सँग पनि शिष्टाचार भेटवार्ता गरेका थिए ।
प्रतिक्रिया