निर्वाचन प्रयोजनका लागि भारतले दियो २ सय गाडी उपहार

काठमाडौं । निर्वाचनमा प्रयोग गर्ने गरी भारतले नेपाललाई २ सय वटा सवारी साधन उपहार दिएको छ ।

उपहार स्वरुप आएका उक्त सवारी साधन मंगलबार भारतीय राजदूत नवीन श्रीवास्तवले अर्थमन्त्री जनार्दन शर्मालाई हस्तान्तरण गरेका छन् । भारतले दिएको २ सय वटा सवारी साधनमध्ये १ सय २० वटा सुरक्षा निकायले र बाँकी ८० वटा निर्वाचन आयोगले प्रयोग गर्नेछन् ।

अर्थमन्त्री शर्माले सवारीसाधन सहयोग गरेकामा भारत सरकारलाई धन्यवाद ुसमेत दिएका छन् । भारतीय दूतावासका अनुसार नेपाल प्रहरी र सशस्त्र प्रहरी बललाई झण्डै २ हजार वटा र नेपाली सेना र निर्वाचन आयोगलाई ४ सय वटा गरी हालसम्म भारतले नेपाललाई निर्वाचनको समयमा २ हजार ४ सय भन्दा बढी सवारीसाधन उपाहार दिएको छ ।