सशस्त्र प्रहरीको ट्रक दुर्घटना : मृतकको संख्या ४ पुग्यो

कपिलवस्तु । कपिलवस्तुमा सशस्त्र प्रहरीको मिनी ट्रक दुर्घटना हुँदा मृत्यु हुनेको संख्या ४ पुगेको छ ।

कपिलवस्तुको चारनम्बर जितपुरबाट शुक्रबार राति तौलिहवातर्फ जाँदै गरेको सशस्त्र प्रहरीको ना १ ग ५५४ नम्बरको ट्रक बाणगंगा नगरपालिका वडा नं. ३ सिउटीमा अनियन्त्रित भई दुर्घटना भएको थियो । दुर्घटनामा परि तीन जना घाइते भएका छन् । दुर्घटनामा सशस्त्र प्रहरी हवल्दार रमेश चौधरी, सहायक हवल्दार रमेश चौधरी, जवान जनक चौधरी र साइकल यात्री बाणगंगा नगरपालिका ३ का २६ वर्षीय अमर संग्रामी मगरको उपचारका क्रमममा मृत्यु भएको कपिलवस्तु प्रहरीले जनाएको छ ।

घाइते भएका सशस्त्र प्रहरी नायव निरीक्षक गोविन्द सुवेदी, वरिष्ठ हवल्दार कुलबहादुर घर्ती र जवान प्रेम मल्लको भैरहवा मेडिकल कलेजमा उपचार भइरहेको छ ।