काठमाडौं । नेकपा माओवादी केन्द्रका अध्यक्ष पुष्पकमल दाहालले आगामी मंसिर ४ को निर्वाचन सामान्य नभएको बताएका छन् ।
काठमाडौं क्षेत्र नम्बर ७ को सत्ता गठबन्धनका उम्मेदवारहरुको परिचयात्मक कार्यक्रमलाई शुक्रबार बिहान सम्बोधन गर्दै दाहालले यस्तो अभिव्यक्ति दिएका हुन । दाहालले मंसिर ४ पछि देशको संविधान मिच्नेहरुलाई पाखा लगाउन कार्यकर्ताहरु अहोरात्र खटिनुपर्नेमा जोड दिए ।
उनले मंसिर ४ गते देशमा अराजकता निम्त्याउने, देशलाई निरंकुशताको बाटोमा धकेल्ने शक्ति र अग्रगमनकारी बीचको लडाई भएकाले त्यसको ब्याटल सत्ता गठबन्धनले नै जित्नुपर्ने बताए । देशले जित्ने हो कि होइन, लोकतन्त्रले जित्ने हो कि होइन भन्ने एउटा यक्ष प्रश्नको जवाफ जनताले दिने अवसर भएको उनको भनाई छ ।
संविधान, लोकतन्त्र र राष्ट्रको रक्षाको लागि गठबन्धन बनेको उल्लेख गर्दै दाहालले यो गठबन्धन अहिले मात्रै नभएर २०४६ सालदेखि बनेको उल्लेख गरे । यस्तै खाले गठबन्धनले २०५६ सालमा पञ्चायत ढालेको र २०६२ र ०६३ सालको आन्दोलनमा पनि कांग्रेस र कम्युष्टि मिलेर राजतन्त्र फालेको वृतान्त सुनाए ।
प्रतिक्रिया