ललितपुरमा १३ सय बढी म्यादी प्रहरी परिचालन गरिने

ललितपुर । ललितपुर जिल्लामा प्रतिनिधि सभा र प्रदेश सभा निर्वाचनका लागि १३ सय आठ जना म्यादी प्रहरी परिचालन हुने भएको छ ।

ललितपुर जिल्ला प्रहरी कार्यालयका प्रमुख वरिष्ठ प्रहरी उपरीक्षक यज्ञविनोद पोखरेलले सो जानकारी दिएका हुन । उनका अनुसार हाल उनीहरुलाई तालिम दिने काम भइरहेको छ । ललितपुरका विभिन्न नौ स्थानमा तालिमको व्यवस्था गरिएको छ । १० दिनको तालिमपछि आवश्यक्ता अनुसार मतदान केन्द्रहरुमा परिचालन गरिने पनि जिल्ला प्रहरी कार्यालय ललितपुरले जनाएको छ ।

वरिष्ठ प्रहरी उपरीक्षक पोखरेलले नियुक्त गरिएका म्याद प्रहरीहरुमध्ये ६ सय ७ जना पुराना म्यादी प्रहरी रहेको बताए । सरकारले हरेक निर्वाचनमा सुरक्षाको आवश्यक व्यवस्था मिलाउन म्यादी प्रहरी परिचालन गर्दै आएको छ ।