७ जनाको मृत्यु, ६ जना घाईते

बझाङ । बझाङमा बुधबार भएको जीप दुर्घटनामा मृत्यु हुनेको संख्या ७ जना पुगेको छ ।

यस्तै दुर्घटनामा ६ जना घाइते भएका छन् । बुधबार साढे ४ बजे मष्टा गाउँपालिका १ डुग्रीबाट भातेखोला जाने क्रममा सु.प.प्र.००१ च ११७ नम्बरको जीप दुर्घटना भएको हो । जीप दुर्घटना भई सडक भन्दा झण्डै ३ सय मिटर तल खसेको थियो । दुर्घटनामा मृत्यु भएकामध्ये ४ जनाको सनाखत भएको जिल्ला प्रहरी कार्यालय बझाङले जनाएको छ ।

जीपमा सवार अन्य यात्रुहरूको खोजी कार्य जारी रहेको प्रहरीले बताएको छ । सनाखत भएका मृतकहरुमा मष्टा २ की १३ बर्षिया सम्झना खड्का, १५ बर्षिय रोशन खड्का, १६ बर्षिय प्रचण्ड खड्का र २८ बर्षिया बसन्ती धामी रहेका छन् । बाँकी ३ जनाको सनाखत हुन भने बाँकी रहेको छ ।

दुर्घटनामा घाइतेहरुको उद्दार गर्न नेपाल प्रहरी, सशस्त्र प्रहरी र सेनासहित स्थानीय घटनास्थलमा खटिएका छन् ।