कास्की । नवौं राष्ट्रिय खेलकुद प्रतियोगिता अन्तर्गत महिला क्रिकेटमा बागमती प्रदेशले कांस्य पदक जितेको छ ।
लुम्बिनीलाई ७ विकेटले हराउँदै बागमती कांस्य जित्न सफल भएको हो । कांस्य पदकका लागि भएको प्रतिस्पर्धामा टस जित्दै फिल्डिङ रोजेको बाग्मतीले लुम्बिनीलाई निर्धारित २० ओभरमा ८७ रनमा रोक्यो । लुम्बिनीले दिएको ८८ रनको लक्ष्य १६ दशमलव १ ओभरमा ३ विकेट गुमाउँदै बागमतीले पूरा गरेको थियो ।
बागमतीका लागि सुमन खतिवडाले सर्वाधिक ४१ रन जोडिन् भने ओपनर अस्मिता खरेलले २०, कञ्चन श्रेष्ठले १० र अनिशा माझकोटीले १० रन जोडिन् । लुम्बिनीका कृतिका मरासिनीले २ र सुस्मिता भुसालले १ विकेट लिए । पहिले ब्याटिङ गरेको लुम्बिनी बाट कप्तान सरस्वती घर्तीमगरले ३०, सुस्मिता भुसालले १३, आश्मा पुलामी मगरले ८, रञ्जु श्रेष्ठले र मधु डिसीले ४ रन जोडे ।
बागमतीका लागि बलिङतर्फ विपिशा शाहीले ४, सोनी पाख्रिनले २, स्पिनर खुशी डंगोलले ३ विकेट लिए । महिला क्रिकेटमा स्वर्ण पदकका लागि मंगलबार दुई विभागीय क्लब नेपाल पुलिस र नेपाल एपीएफ क्लबबीच प्रतिस्पर्धा हुनेछ ।
प्रतिक्रिया