काठमाडौं । नेपालीहरुको दोस्रो ठुलो चाड तिहारका लागि मागअनुसार अपुग हुने करिब ३ लाख थान माला भारतबाट आयात हुने भएको छ ।
यस बर्षको तिहारमा २३ लाख २५ हजार स्वदेशी माला खपत हुने अनुमान गरिएको छ । तिहारका लागि २० लाख सयपत्री, ३ लाख मखमली र गोदावरीको २५ हजार थानसम्मको मालाहरु खपत हुने गरेको फ्लोरिकल्चर एसोसिएसनले जनाएको छ । कोभिडका कारण घटेको फुलको मागमा यस बर्ष भने वृद्धि भएको हो ।
नेपाल ९० देखी ९१ प्रतिशतसम्म तिहारको फुलमा आत्मनिर्भर छ । नपुगेको खण्डमा व्यापारिहरुले भारतबाट पनि माला आयात गर्ने गरेका छन् । गत बर्ष भारतबाट आयात गरिएका माला समयमै खपत नहुँदा फाल्नुपर्ने अवस्था समेत आएको व्यापारिहरुको गुनासो छ ।
यो वर्ष तिहारका लागि खपत हुने फूलको उत्पादन १० देखि २० प्रतिशत बढेको पनि एसोसिएसनले जनाएको छ । आव ०७८ ०७९ मा नेपालले ३६ करोड ५ लाख रुपैयाँ बराबरको पुष्प तथा पुष्पजन्य वस्तुको आयात गरेको थियो । नेपालमा पुष्प व्यवसायमा प्रत्यक्ष तथा अप्रत्यक्ष रुपमा ४३ हजार ५ सय भन्दा बढी जनशक्तिहरु रोजगार र आश्रित रहेको तथ्याङ्क छ ।
भारबाटा हुने फुलको आयातलाई रोक्न बारम्बार सरकारलाई आग्रह गरेपनि सरकारले कानमा तेल हालेर बस्ने गरेको गुनासो समेत एसोसिएसनले गरेको छ ।
प्रतिक्रिया