सत्यमोहनको निधनको शोकमा मंगलबार सार्वजनिक बिदा

काठमाडौं । सरकारले शताब्दीपुरुष सत्यमोहन जोशीको निधनको शोकमा मंगलबार सार्वजनिक बिदा दिने निर्णय गरेको छ ।

सोमबार गृह मन्त्रालयले एक विज्ञप्ति जारी गर्दै मंगलबार सार्वजनिक विदा दिने निर्णय गरेको हो । जोशीको निधनको शोकमा देशभरका सरकारी कार्यालय, सार्वजनिक संघसंस्था र विदेशस्थित कुटनीतिक नियोगमा राष्ट्रिय झन्डा झुकाउने निर्णय गरेको मन्त्रालयले जनाएको छ ।

शताव्दी पुरुष जोशीको १०३ वर्षको उमेरमा आइतबार विहान किष्ट अस्पतालमा उपचारका क्रममा निधन भएको हो । जोशीलाई श्रद्धाञ्जली अर्पण गर्न जाँदा संस्कृति, पर्यटन तथा नागरिक उड्डयन मन्त्री जीवनराम श्रेष्ठले जोशीको निधनको शोकमा एक दिन सार्वजनिक बिदा दिने घोषणा गरेका थिए ।