माओवादी नेता लामा एमाले प्रवेश

काठमाडौं । नेकपा माओवादी केन्द्रका नेता छक्कबहादुर लामा एमाले प्रवेश गरेका छन् ।

माओवादी केन्द्रीय सदस्यको जिम्मेवारीमा रहेका लामालाई एमाले अध्यक्ष केपी शर्मा ओलीले आप्mनो निवास बालकोटमा पार्टी प्रवेश गराएका हुन । आफुले एमाले प्रवेश गरेर राजनीतिको बाटोमा सुरक्षीत अवतरण गरेको लामाले बताएका छन् । हुम्लाबाट लामा गत निर्वाचनमा स्वतन्त्र उम्मेदवार भई विजयी भएका थिए ।

तत्कालीन समयमा माओवादी केन्द्रले टिकट नदिएपछि लामाले स्वतन्त्र उम्मेदवारी दिएका थिए । उनि माओवादीका उम्मेदवार छिमी दोर्जेविरुद्ध बागी उठेका थिए । २०७४ सालमा माओवादी केन्द्रले हुम्लामा टिकट नदिएपछि विद्रोह गरेका लामाले सबैभन्दा कम ४७ मतान्तरले चुनाव जितेका थिए ।

२०४८ सालमा राष्ट्रिय जनमोर्चाका उम्मेदवार बनेका लामाले त्यस समयमा पनि कम मतान्तरले चुनाव जितेका थिए । तत्कालीन राजा ज्ञानेन्द्रको प्रत्यक्ष शासनकालमा उनि भौतिक पूर्वाधार राज्यमन्त्री बनेका थिए ।

तत्कालीन नेकपाको विवादका बेला पनि उनि अध्यक्ष ओली समूह निकट रहेका थिए ।