माओवादीको समानुपातिक सुचिबाट हट्यो महराको नाम

काठमाडौं । नेकपा माओवादी केन्द्रले उपाध्यक्ष कृष्णबहादुर महराको नाम समानुपातिकको बन्द सूचीबाट हटाएको छ ।

माओवादीले निर्वाचन आयोगमा बुझाएको समानुपातिक सूचीमा महराको नाम पहिलो नम्बरमै रहेको थियो । महराकै अनुरोधमा उनको नाम समानुपातिक सूचीबाट हटाइएको माओवादी केन्द्रले जनाएको छ । रोल्पा र दाङ क्षेत्र नं १ र २ मा प्रत्यक्षतर्फ पनि महराको नाम पहिलो नम्बरमै सिफारिस भएको थियो ।

तर उनलाई माओवादीले समानुपातिकको सूचीमा राखेको थियो । महराले २०४८ सालसहित अहिलेसम्म भएका सबै निर्वाचन जित निकालेका छन् ।

उनि २०४८ र २०७० सालमा रोल्पा तथा २०७४ सालमा दाङबाट निर्वाचित भएका थिए ।