आगामी निर्वाचनमा प्रतिगमन विरोधी शक्तिलाई मत दिन दाहालको आग्रह

काठमाडौं । नेकपा माओवादी केन्द्रका अध्यक्ष पुष्पकमल दाहालले मंसिर ४ मा हुने प्रतिनिधिसभा र प्रदेशसभा निर्वाचनमा प्रतिगमन विरोधी शक्तिलाई विजयी गराउन आग्रह गरेका छन् ।

आईतबार दशैँ, तिहार, छठ, नेपाल संवत, ल्होसार लगाएताका चाडपर्वको अवसरमा शुभकामना दिदैँ उनले संविधान, गणतन्त्र र संघियताको रक्षा साथै सुदृढीकरणका लागि प्रतिगमनका विरोधी शक्तिको जित आवश्यक भएको बताएका छन् । सन्देशमा उनले हाम्रा सांस्कृतिक पर्वले नेपाली समाजमा आपसी सहिष्णुता र भावनात्मक एकता पैदा गर्ने विश्वास समेत व्यक्त गरेका छन् ।

उनले स्वदेश तथा विदेशमा रहेका सम्पूर्ण नेपाली आमाबुवा, दिदीबहिनी तथा दाजुभाइमा सुख, शान्ति, समृद्धि, सुस्वास्थ्य एवं दीर्घायुको कामना समेत गरेका छन् ।