रुपन्देही २ मा सत्ता गठबन्धनको समर्थन केशब बहादुर थापालाई

रुपन्देही । रुपन्देही प्रतिनिधिसभा निर्वाचन क्षेत्र नम्बर २ मा सत्ता गठबन्धनले जनमुक्ति पार्टीका केशव बहादुर थापालाई समर्थन गर्ने भएको छ ।

बुधबार एक विज्ञप्ती जारी गर्दै सत्ता गठबन्धनले थापालाई समर्थन गर्ने जानकारी दिएको हो । थापा घर चुनाव चिन्ह् सहित चुनावी मैदानमा होमिएका थिए । यस अघि उक्त निर्वाचन क्षेत्रमा नेकपा एकिकृत समाजवादीका राजु गुरुङलाई गठबन्धनले उम्मेदवार बनाएको थियो ।

निर्वाचन आयोगले बैंकिङ कसूरमा सजाय पाएका र अदालतमा मुद्दा खेपिरहेका नेकपा एसका उम्मेदवार गुरुङको उम्मेदवारी निर्वाचन ऐन २०७४ बमोजिम खारेज गरेको थियो। सोहि मुद्ध लिएर गुरुङ सर्वोच्च अदालत सम्म गएका थिए ।

तर गत शुक्रबार अदालतले पनि उम्मेदवारी रद्धको फैसला सुनापछि गठबन्धन दलले थापालाई समर्थन गर्ने भएका हुन ।