काठमाडौं । ‘प्रेम गीत ३’ को टिमले आफ्नो फिल्मको सफलता र खुसी फरक परिवेशमा अनि फरक व्यक्तिहरुका साथमा मनाएको छ ।
चलचित्र टिमले बुढानिलकण्ठमा रहेको बाल गृह महासंघ नेपालमा बस्दै आएका ५५ जना बाल बालिकाहरुको साथमा देउसीभैलो खेली, उनीहरु सँगै बसेर खानपान खुशी साटासाट् गरी मनाएका हुन । यो अबसरमा टिमले बालगृहमा बस्दै आएका सम्पुर्ण बालबालिका हरुलाई १ बर्षसम्म लाग्ने स्कुल फि, उनीहरु सबैका लागि लत्ताकपडा, सिरक तथा डसना प्रदान गरेको छ ।
तिहारको लक्ष्मीपूजाको दिनको अवसर पारेर अभिनेता प्रदीप खड्का, अभिनेत्री क्रिष्टिना गुरुङ, निर्माता तथा निर्देशक सन्तोष सेन लगायत प्रेमगीत ३ को टिम बालगृह पुगेको थियो । सोही अवसरमा आशुसेन फिल्म्सले बालगृहको जीर्ण भवनको मर्मतसम्भार तथा रंगरोगन पनि गरिदिएको थियो ।
निर्माता सेनले विज्ञप्तिमा भनेका छन्, ‘यो उत्सव कुनै फाइभस्टार होटलको भन्दा कम थिएन । बालगृह महासंघको भवन जीर्ण अवस्थामा थियो, हाम्रो टिमले घरलाई मर्मतसम्भार गरेर रंगरोगन गरेर उज्यालो पार्दै गर्दा छुट्टै किसिमको खुसी प्राप्त भएको छ,।
प्रतिक्रिया