युक्रेनले डर्टी बम्बको योजना बनाएको रसियाको आरोप

एजेन्सी । रसीयाली रक्षा मन्त्री सेर्गी साईगु र अमेरिकाका रक्षा सचिब लोएड अस्टिनबिच आईतबार फोनवार्ता भएको छ ।

रसीयाको रक्षा मन्त्रालयले यूक्रेनको अवस्थाका बारे कुरा भएको बताएपनि कुराकानीबारे थप जानकारी दिएको छैन । एक अमेरिकी प्रशासन अधिकारीले भने रक्षा मन्त्री साईगुले युक्रेनले डर्टी बम्ब (युरेनियम मिश्रित बम्ब) प्रयोग गर्ने योजना बनाएको आरोप लगाएको बताएका छन् ।

साईगुले फ्रन्सेली र बेलायती समकक्षीसँग पनि सोहि कुरा बताएको जनाईएको छ । यसैबिच अमेरिकी सुरक्षा परिषद्की प्रवक्ता एड्रिन वाटसनले रक्षमन्त्री साईगुले लगाएको आरोप अस्वीकार्य रहेको बताएको अन्तराष्ट्रिय सञ्चारमाध्यमले जनाएको छ ।

साईगु र अस्टिनबिचमा तीन दिनभित्र भएको यो दोस्रो फोनवार्ता हो । गत शुक्रबार अस्टिनले साईगुलाई फोन सम्पर्क गरेका थिए ।