प्रधानमन्त्रीको दौडबाट पछि हटे जोनसन

ऐजेन्सी । बेलायती पुर्वप्रधानमन्त्री बोरिस जोनसनले प्रधानमन्त्री लिज ट्रसलाई प्रतिस्थापन गर्ने दौडबाट बाहिरिने निधो गरेका छन् ।

जोनसनले १०२ सांसदको समर्थन आफुलाई रहेको भएपनि आगामी चुनावमा जित निश्चित रहेको तर यो सहि समय नरहेको भन्दै प्रतिस्पर्धाबाट बाहिरिने निर्णय गरेका हुन् । १०२ सांसदको साथ रहेको दावीका विच पुर्वप्रधानमन्त्री जोनसनलाई ५७ सांसदले मात्रै सार्वजनिक रुपमा समर्थन् गरेका छन् ।

यसैबिच प्रधानमन्त्रीका आकांक्षी ऋषि सुनकले जोनसन प्रति कृतज्ञता वयक्त गर्दै उनले कोभिड नियन्त्रणका लागि गरेको काम अविस्मरणिय रहेको बताएका छन् । युक्रेन–रसिया युद्धका बेला जोनसनले निभाएको भुमिकाको पनि सुनकले खुलेर प्रसंसा गरेका छन् ।

सुनकलाई १०० सांसदको समर्थन रहेको तर यसलाई उनले हल्कामा नलिएको उनको चुनाबी अभियानको एक श्रोतले जनाएको छ । गत महिना भएको कन्जर्भेटिभ नेतृत्व छान्ने निर्वाचनमा दोस्रो भएका उनले चुनावी प्रचारप्रसारका क्रममा आफ्नी प्रतिस्पर्धीको योजनाहरूले यूकेको अर्थतन्त्र बिगार्ने तर्क गरेका थिए । तर पार्टी सदस्यहरूलाई आश्वस्त पार्न उनी विफल भएका थिए ।

उनले लिज ट्रसभन्दा २१ हजार मत कम पाएका थिए । पूर्वअर्थमन्त्री समेत रहेका सुनकले लकडाउनका बेला अर्थतन्त्रलाई गतिशील राख्ने प्रयासमा ठूलो रकम खर्च गर्नुपर्यो जसकारण खासै चर्चामा नरहेका उनले लोकप्रियता बटुल्न समेत सफल भएका थिए ।

हाल बेलायतको प्रधानमन्त्रीका पदका आकांक्षी रहेका पेनी मोर्डन्ट, बेन वालेस, केमी बडेनोच, सुएला ब्राभर्मन चुनावी दौडमा छन् ।