सुर्खेत । नेकपा एकीकृत समाजवादीका अध्यक्ष माधवकुमार नेपालले नेपालको राजनीतिमा व्यक्तिबाद हावी भएको बताएका छन् ।
आइतबार सुर्खेतको वीरेन्द्रनगरमा आयोजित सत्ता गठबन्धनको संयुक्त सभालाई सम्बोधन गर्दै उनले सो कुरा बताउँदै त्यसको नाईके एमाले अध्यक्ष केपी ओली भएको आरोप समेत लगाएका छन् । ओलिले व्यक्ति केन्द्रित राजनीति र सत्ता चलाएर अधिनायकवादी यात्रा तय गर्दै संविधान र देशलाई अस्तव्यस्त बताएको नेपालको आरोप छ ।
ओलीले लोकतन्त्रलाई धुलिसाफ पार्ने कोशिस गरेको बताउँदै उनले गणतन्त्र विरोधी शक्तिसँग साँठगाँठ गरेको नेपालको टिप्पणी छ । आफुहरुले ओलीलाई सुधार्न निकै प्रयास गरेपनि नसुध्रेको स्मरण गर्दै उनले भने, ‘ओलीले देश भाँडमा जावस्, मेरो स्वार्थको रक्षा हुनुपर्छ भनेर राज्यसत्ता सन्चालन गरे ।
हामीले धेरै सुधार्ने कोशिस गर्दा पनि सुध्रेनन् । उनले पाँच दलिय गठबन्धन अग्रगामी गठबन्धन भएको बताउँदै गठबन्धनको अभियानमा सबैलाई एकजुट हुन् अनुरोध गरेका छन् ।
प्रतिक्रिया