गठबन्धनको पहिलो एजेन्डा नै आर्थिक क्रान्ति : दाहाल

धनगढी । नेकपा माओवादी केन्द्रका अध्यक्ष पुष्पकमल दाहालले आगामी निर्वाचन प्रतिगमन र अग्रगमन चाहने बीचको महासंग्राम भएको बताएका छन् ।

आईतबार धनगढीमा सत्ता गठबन्धनको सुदूरपश्चिम स्तरीय प्रशिक्षण कार्यक्रमलाई सम्बोधन गर्दै यो चुनावमा अग्रगमन चाहने गठबन्धन र प्रतिगमन चाहने गठबन्धनबीच प्रतिस्पर्धा भइरहेको बताएका हुन । त्यस्तै उनले संविधान र जनताले लडेर त्याएका उपलब्धीको राक्षाका लागि वाम लोकतान्त्रिक गठबन्धनलाई जिताउनुको विकल्प नरहेको स्पष्ट पारे ।

त्यस्तै उनले गठबन्धन दल विजयी भए पहिलो एजेण्डा नै आर्थिक क्रान्ति हुने बताएका छन् । जितेलगत्तै सत्ता गठबन्धनको ध्यान आर्थिक क्रान्ति, रोजगारी सिर्जना, आर्थिक समृद्धि, राजनीतिक परिवर्तनलाई दीगो बनाउनमा केन्द्रीत हुने उनको धारणा रहेको छ ।