क्रिकेटर लामिछानेमाथि अनुसन्धान गर्न २ दिन म्याद थप

काठमाडौं । बलात्कार आरोपमा हिरासतमा रहेका क्रिकेटर सन्दीप लामिछानेमाथि अनुसन्धान गर्न जिल्ला अदालत काठमाडौंले प्रहरीलाई थप दुई दिन म्याद थप गरेको छ ।

अघिल्लोपटक थपिएको चार दिनको म्याद सकिएपछि प्रहरीले आईतबार लामिछानेलाई जिल्ला अदालतमा उपस्थित गराएको थियो । सोही अनुसार अदालतले प्रहरीलाई थप २ दिनको समय दिएको हो । यसअघि जिल्ला अदालत काठमाडौंले असोज २४ गते ७ दिनको म्याद दिएको थियो ।

त्यसपछि असोज ७ गते दोस्रो पटक पुनः ७ दिन म्याद थप गरेको थियो । कात्तिक २ गते थप चार दिनको म्याद अदालतले प्रहरीलाई दिएको थियो । गत भदौ २१ गते एक एक नाबालिगले लामिछानेविरुद्ध जबर्जस्ती करणीको आरोपमा प्रहरी वृत्त गौशालामा उजुरी दिएकी थिइन् ।