प्रचार सामग्रीमा बालिकाको प्रयोग (भिडियो सहित)

काठमाडौं । निर्वाचन आचारसंहित विपरित निर्वाचन प्रचार प्रसार सामग्रीमा बालबालिकाको प्रयोग भएको पाईएको छ ।

बालबालिका सम्बन्धी ऐन र निर्वाचन आचारसंहिताको उल्लंघन गर्दै नेकपा एमालेले निर्वाचन प्रचार प्रसार लागि तयार पारेको भिडियो सामग्रीमा बालिकाको प्रयोग गरि एमालेलाई मत हाल्न सन्देश दिईएको छ । निर्वाचन आयोगले जारी गरेको निर्वाचन आचारसंहित २०७९ र बालबालिका सम्बन्धी ऐन २०७५ अनुसार १८ बर्ष भन्दा मुनिका कुनै पनि बालबालिका, र बाल कलाकारलाई समेत धर्ना, जुलुस वा कुनैपनि प्रचार सामग्रीमा प्रयोग गर्न नपाईने बालबालिका शान्ति क्षेत्र राष्ट्रिय अभियानका अध्यक्ष राजेश शर्माले जानकारी दिए ।

शर्माका अनुसार प्रचार सामग्रीमा बालबालिका प्रयोग गरेको पाईए त्यस्ता दल र उम्मेदवारलाई निर्वाचन आयोगले कारबाही गर्न सक्ने छ ।