काठमाडौं । सरकार गठन भएको झन्डै ६ महिना पछि प्रधानमन्त्री पुष्पकमल दाहाल प्रचण्ड नेतृत्वको सरकारले शत प्रतिशत पूर्णता पाएको छ ।
मंगलबार जनता समाजवादी पार्टी (जसपा) का वीरेन्द्रकुमार महतो वन तथा वातावरण मन्त्री र प्रमिला कुमारी शिक्षा विज्ञान तथा प्रविधि राज्यमन्त्री बनेसंगै प्रचण्ड नेतृत्वको सरकार पूर्णता पाएको हो । जसपाबाट यसअघि नै अशोक कुमार राई शिक्षा मन्त्री छन् । मंगलबार जसपाबाटै थप एक मन्त्री थपिएपछि प्रचण्ड नेतृत्वको मन्त्रिपरिषद २५ सदस्यीय भएर पूर्ण रहेको छ ।
नेपालको संविधानमा नै प्रधानमन्त्री सहित २५ सदस्यीय मन्त्रीपरिषद्को व्यवस्था गरेको छ । सरकारमा नेपाली कांग्रेसका एक उपप्रधानमन्त्रीसहित ९ मन्त्री, माओवादीका एक उपप्रधानमन्त्रीसहित ५ मन्त्री र एक राज्यमन्त्री, एकीकृत समाजवादीका दुई मन्त्री र एक राज्यमन्त्री तथा नागरिक उन्मुक्ति, लोकतान्त्रिक समाजवादी र नेपाल समाजवादी पार्टीका एक–एक मन्त्री रहेका छन् ।
प्रतिक्रिया