तनहुँ । प्रतिनिधिसभा सदस्य उपनिर्वाचनअन्तर्गत तनहुँ–१ मा जारी मतगणना अनुसार राष्ट्रिय स्वतन्त्र पार्टीका उम्मेदवार स्वर्णिम वाग्लेले आफ्नो अग्रता बढाउँदै लगेका छन् ।
उनले हालसम्म २२ हजार ८ सय ९२ मत प्राप्त गर्दै अग्र स्थानमा रहेका छन् भने उनलाई नेपाली कांग्रेसका गोविन्द १३ हजार २ सय ६२ मत सहित पच्छाइरहेका छन् । त्यस्तै तेस्रो स्थानमा रहेका नेकपा एमालेका सर्वेन्द्र खनालले ६ हजार ७ सय २४ मत प्राप्त गरेका छन् ।
तनहुँमा चुनावी प्रतिस्पर्धामा रहेका प्रमुख दल नेपाली कांग्रेसका उम्मेदवार गोविन्द भट्टराई र नेकपा एमालेका उम्मेदवार सर्वेन्द्र खनाल दुबैले प्राप्त गरेको भन्दा पनि रास्वपाका वाग्लेले प्राप्त गरेको मत दोब्बरले बढी रहेको छ । डा. वाग्लेले सुरुवाती चरणबाटै आफ्नो अग्रतालाई कायमै राखिरहेका छन् भने उनको जित पनि निश्चित जस्तै बनिसकेको छ ।
तनहुँ–१ मा आइतबार भएको उपनिर्वाचनमा ६३ हजार ७ सय ५७ अर्थात ५३ प्रतिशतको हाराहारीमा मत खसेको थियो ।
प्रतिक्रिया