सन्दीपलाई राष्ट्रिय टोलीमा फर्काएको भन्दै क्यानविरुद्ध प्रदर्शन

काठमाडौं । नाबालिका बलात्कार आरोपमा हालैमात्र जेलमुक्त भएका सन्दिप लामिछानेलाई राष्ट्रिय टिममा समावेश गरेपछि नेपाल क्रिकेट संघ (क्यान)विरूद्ध प्रदर्शन भएको छ ।

शनिबार दिउँसो माइतीघर मण्डलामा क्यानले बलात्कारका अभियुक्तलाई राष्ट्रिय टिममा समावेश गरेको भन्दै युवाहरुले विरोध प्रदर्शन गरेको हो । उच्च अदालत पाटनले शर्तसहित रिहा गरेपछि क्यानले लामिछानेको निलम्बन फुकुवा गरेको थियो । क्यानले निलम्बन फुकुवा गरेसँगै उनलाई राष्ट्रिय टिममा समावेश गरी बन्द प्रशिक्षणमा राखेको छ ।

क्यानको उक्त निर्णयलाई लिएर सामाजिक सञ्जालमा क्यानविरुद्ध विरोध भइरहेको छ । उनीहरुले ‘पीडितलाई लात बलात्कार आरोपीलाई साथ’, ‘मेरो राष्ट्रिय टिममा बलात्कार अभियुक्त हुनसक्दैन’लगायतका प्लेकार्ड र पम्प्लेटसहित क्यानविरुद्ध नाराबाजी गर्दै प्रदर्शन गरेका छन् ।