पशुपतिको जङ्गलमा जलेको अवस्थामा शव फेला

काठमाडौँ । पशुपतिको जङ्गलमा जलेको अवस्थामा शव भेटिएको छ ।

किरातेश्वर मन्दिर भन्दा तल पूर्ण रुपमा जलेको अवस्थामा एक पुरुषको शव भेटिएको उपत्यका अपराध अनुसन्धान कार्यालयले जनाएको छ । अपराध अनुसन्धान कार्यालय र प्रहरी वृत्त गौशालाको टोली घटनास्थलमा पुगेका छन् । शव नजिकै बोतलमा पेट्रोल पनि भेटिएको प्रहरीले जनाएको छ । पेट्रोल छर्केर आगाले लगाएको आशङ्का गरिएको छ ।

मृतकको पहिचान खुल्न बाँकी रहेको र घटनाबारे थप अनुसन्धान भइरहेको छ ।