सुदूरपश्चिमको सभामुखका लागि आजपनि निर्वाचन हुँदै

कैलाली । बिहिबार भएको निर्वाचनमा कुनै पनि उम्मेदवारले बहुमत ल्याउन नसकेपछि सुदूरपश्चिम प्रदेशको सभामुखमा शुक्रबार (आज) पनि निर्वाचन हुँदैछ ।

यस प्रदेशमा सत्ता गठबन्धनबाट नेकपा माओवादी केन्द्रका भीम भण्डारी र नेपाली कांग्रेसबाट मानबहादुर रावल सभामुखका उम्मेदवार छन् । बिहिबार पक्षमा र विपक्षमा गरी दुई पटकसम्म मतदान भएको थियो । पहिलो चरणमा भएको मतदानमा भीम भण्डारीले बहुमत आवश्यक मत २७ पाइसकेका थिए ।

विपक्षमा गरिएको मतदानमा सत्ता गठबन्धनकै एक सांसदको मत बदर भएपछि उनको मत २६ पुगेको थियो । ५३ जना प्रदेशसभा सदस्य रहेको सुदूरपश्चिम प्रदेशमा सभामुख निर्वाचित हुन २७ मत आवश्यक पर्छ ।

बिहिबार कसैको पनि २७ मत नपुगेपछि शुक्रबार ११ बजे फेरी निर्वाचन हुन लागेको हो ।