कास्की । प्रकाश बुढाथोकीको निर्णायक गोलमा धरान फुटबल क्लवले आहारारा पोखरा गोल्डकपको २२ औं संस्करणकमा विजयी शुरुवात गरेको छ ।
बिहीवार पोखरा रंगशालामा भएको उद्घाटन खेलमा आयोजक सहारा क्लवलाई १–० गोल अन्तरले पराजित गर्दै सुखद् शुरुवात गर्दा धरानले १२ वर्षपछि पोखरा रंगशालामा जित निकाल्न सफल भएको हो । धरानलाई जित दिलाउन प्रकाशले खेलको पाँचौँ मिनेटमा फ्रिकिकमार्फत उत्कृष्ट गोल गरेका थिए । यस जितसँगै धरानले क्वाटरफाइनलमा स्थान सुरक्षित गरेको छ ।
धरानले शनिवार हुने क्वार्टरफाइनलमा साबिकको विजेता नेपाल एपिएफ क्लवकोसँग प्रतिष्पर्धा गर्नेछ । खेलको चौथो मिनेटमा धरान फुटबल क्लवले पाएको फ्रिकिक अवसरलाई नै गोलमा परिणत भएपछि धरानले सहारा क्लवमाथि ऐतिहासिक जित दर्ता गरायो । सहाराका भावगत चौधरीले डिबक्सबाहिर फउल गरेपछि धरानले फ्रिकिकको अवसर प्राप्त गर्यो ।
चौधरीले प्रकाश बुढाथोकीलाई लडाएपछि पाएको फ्रिकिकमा बुढाथोकीले नै गोल गरेका हुन् । गोल्डकपको दोस्रो दिन पुस १५ गते शुक्रवार नेपाल पुलिस क्लव र चर्च ब्वाईजबीच प्रतिष्पर्धा हुनेछ ।
प्रतिक्रिया