काठमाडौं । निर्वाचन आयोगले समानुपातिक प्रतिनिधित्व सुनिश्चित हुने गरी उम्मेदवारी दर्ता गराउन राजनीतिक दलहरुलाई आग्रह गरेको छ ।
शनिबार आयोजित पत्रकार सम्मेलनमा प्रमुख निर्वाचन आयुक्त दिनेशकुमार थपलियाले संविधान, कानुनको व्यवस्था र मर्मबमोजिम सबै वर्ग, क्षेत्र, लिंग, समुदायको समानुपातिक प्रतिनिधित्व सुनिश्चित हुने गरी उम्मेदवारी दिन आग्रह गरेका हुन ।
आयोगले आइतबार बिहान १० बजेदेखि अपराह्न ५ बजेसम्म सम्बन्धित मुख्य निर्वाचन अधिकृत र निर्वाचन अधिकृतको कार्यालयमा पुगी उम्मेदवारको मनोनयनपत्र दर्ताका लागि समय दिएको छ । मनोनयन दर्ताका लागि आवश्यक संरचना, जनशक्ति र सुरक्षा प्रबन्धसहित सम्पूर्ण व्यवस्था मिलाएको जानकारी दिँदै आयोगले दल, उम्मेदवार र सम्बन्धित पक्षलाई निर्धक्क भएर मतदातासमक्ष पुगी अनुमोदित हुने आफ्नो अधिकार प्रयोग गर्न आह्वानसमेत गरेको छ
प्रतिक्रिया