काठमाडौं । नेपालका चाडपर्वहरु व्यक्ति, परिवार र समाजलाई संयोजन गर्दै राष्ट्रिय एकता, भ्रातृत्व एवं सम्बन्ध सुधारका लागि महत्वपूर्ण बन्ने सभामुख अग्निप्रसाद सापकोटाले बताएका छन् ।
दसैँ, तिहार, छठलगायत राष्ट्रिय पर्व र नेपाल संवत ११४३ का अवसरमा बधाई तथा शुभकामना दिँदै उनले चाडपर्वले मौलिकता र विविधताको प्रतिनिधित्व गर्ने उल्लेख गरे । सभामुख सापकोटाले चाडपर्वका अवसरमा हुने पारिवारिक जमघट एवं आफन्त भेटघाटका क्रममा हुने छलफल समाज रुपान्तरणका लागि महत्वपूर्ण सावित हुने विश्वास व्यक्त गरेका छन् ।
डेंगी संक्रमणको जोखिम उच्च भएकाले सचेत भएर चाडपर्व मनाउन उनले सबैमा अपिल समेत गरेका छन् ।
प्रतिक्रिया