काठमाडौं । प्रफेक्ट कलेक्सनले आफ्नो ९ औ वार्षिकोत्सव मनाएको छ ।
लाजिम्पाटस्थित सांग्रिला होटल अगाडि एक कार्यक्रमको आयोजना गरेर कलाकार तथा अभिनेता आर्यन सिग्देलको उपस्थितिमा कलेक्सनले ९ औँ वर्षको यात्रा मनाएको हो। सञ्चालक सविन केसी र सत्य श्रेष्ठले कलेक्सनलाई सञ्चालनमा ल्याएका हुन् । वार्षिकोत्सवको अवसरमा कलेक्सनले आफ्नो नयाँ आउटलेटलाई विस्तार गरेको छ ।
कलेक्सनमा सेवाग्राहीले चाहे अनुसार लुगा खरिद गर्न पाउने भएका छन् । यसअघि कलेक्सनले फेन्सी आइटमका लुगामात्र राख्ने गरेको थियो । अब भने कलेक्सनले फर्मल कपडाको पेन्ट, जिन्स तथा अन्य लुगाहरू पाइने सञ्चालक केसीले जानकारी दिए । उनका अनुसार कलेक्सनमा सुटकेस, जुत्ता, चप्पल तथा जिन्सका आइटम र कपडाका थरीथरी आइटम उपलब्ध छन् ।
‘एकजना सेवाग्राहीले कलेक्सनमा प्रवेश गरेपछि सबै प्रकारका सामग्री पाउनेछन्,’ उनले भने,’ कलेक्सन हाउसमा हाउसमा छिरेपछि सेवाग्राही फर्केर जानु नपरोस भन्ने चाहना छ ।‘ सहुलियत दरमा सेवाग्राहीलाई सामान उपलब्ध गराइने केसीले बताए । उनका अनुसार पुरुषका लागि सबैथोक पाइन्छ ।
विभिन्न ब्राण्ड कम्पनीका लुगाहरू, लगेज, जुता, चस्मा र पर्फ्म्यु पाइन्छ ।
प्रतिक्रिया