काठमाडौं । हाल देशको पश्चिमी तथा मध्य भूभागमा पश्चिमी र स्थानीय वायु सक्रिय रहेको छ भने कोशी प्रदेशका अधिकांश क्षेत्रमा मनसुनी प्रणालीको प्रभाव देखिएको छ।
यसै कारणले गर्दा देशभर आंशिकदेखि सामान्य बदलीको अवस्था रहेको मौसम पूर्वानुमान महाशाखाले जनाएको छ। देशका विभिन्न प्रदेशका एक–दुई स्थानहरूमा अहिले चट्याङसहित हल्कादेखि मध्यम वर्षा भइरहेको जानकारी प्राप्त भएको छ। कोशी, मधेस, बागमती, गण्डकी, लुम्बिनी लगायत पहाडी भेगहरूमा आंशिकदेखि सामान्य बदली रहनेछ भने अन्य भूभागहरूमा मौसम मुख्यतः सफा वा आंशिक बदली रहने अनुमान गरिएको छ।
कोशी प्रदेशका केही स्थानहरू, मधेस र बागमतीका पहाडी भागहरू तथा अन्य क्षेत्रका एक–दुई स्थानमा चट्याङसहित हल्कादेखि मध्यम वर्षाको सम्भावना रहेको छ। साथै देशका उच्च पहाडी तथा हिमाली क्षेत्रहरूमा हल्का वर्षासहित हिमपात पनि हुनसक्ने सम्भावना छ।
कोशी प्रदेशका थोरै स्थानहरूमा, मधेस, बागमती, गण्डकी र कर्णाली प्रदेशका पहाडी भागका एक–दुई स्थानमा चट्याङसहित हल्कादेखि मध्यम वर्षाको सम्भावना रहेको छ। त्यस्तै, यी प्रदेशका उच्च पहाडी तथा हिमाली क्षेत्रहरूमा पनि हिमपातको संकेत दिइएको छ।
कोशी, मधेस, बागमती, गण्डकी र कर्णाली प्रदेशका केही स्थानहरूमा सम्भावित वर्षा तथा हिमपातका कारण दैनिक जनजीवन, कृषि, स्वास्थ्य, सडक तथा हवाई यातायात प्रभावित हुनसक्ने भएकाले मौसम विभागले सतर्कता अपनाउन सबैलाई अनुरोध गरेको छ।
प्रतिक्रिया