चितवन । चितवनको रत्ननगर नगरपालिका–१० अन्तर्गत पूर्व–पश्चिम राजमार्गमा एक यात्रुबाहक बस डिभाइडरमा ठोक्किँदा भएको दुर्घटनामा १५ जना यात्रु घाइते भएका छन्।
लहानबाट काठमाडौंतर्फ जाँदै गरेको प्रदेश १–०२–००१ ख ९१६२ नम्बरको बस शुक्रबार बिहान दुर्घटनामा परेको जिल्ला प्रहरी कार्यालय चितवनका प्रहरी नायब उपरीक्षक (डीएसपी) रवीन्द्र खनालले जानकारी दिए। दुर्घटनाको बेला बसमा कुल ३९ जना सवार थिए। घाइतेमध्ये चार जनालाई भरतपुरस्थित पुरानो मेडिकल कलेजमा उपचारका लागि लगिएको छ भने अन्यको बकुलहर अस्पतालमा उपचार भइरहेको छ।
सबै घाइतेको अवस्था खतरामुक्त रहेको प्रहरीले जनाएको छ। दुर्घटनापछि प्रहरीले बस र त्यसका चालकलाई नियन्त्रणमा लिएको छ। दुर्घटनाबारे थप अनुसन्धान भइरहेको प्रहरीको भनाइ छ।
प्रतिक्रिया