काठमाडौं । विद्यालय शिक्षा ऐन जारी गर्न माग गर्दै आन्दोलनमा उत्रिएका शिक्षकहरुले आफ्नो प्रदर्शन आज पनि निरन्तरता दिएका छन् ।
माईतीघर-बानेश्वर सडकखण्डमा उनीहरुले प्रदर्शन जारी राखेका छन् । चैत्र २० गतेदेखि सुरु भएको आन्दोलन अझै रोकिएको छैन । शिक्षकहरुले सरकारले विद्यालय शिक्षा विधेयक ल्याएर तत्कालै ऐन जारी गर्नुपर्ने अडान लिएका छन् । सरकारले आगामी संसदीय अधिवेशनबाट विधेयक ल्याउने प्रतिबद्धता जनाए पनि शिक्षकहरुले आन्दोलन नछाड्ने बताएका छन् ।
यसैबीच, शिक्षा, विज्ञान तथा प्रविधि मन्त्री विद्या भट्टराईले राजीनामा दिएकी छन् । तर शिक्षकहरुका मागहरु अझै सम्बोधन हुन सकेका छैनन् ।
शिक्षकहरुले विगतमा भएका सम्झौता कार्यान्वयनमा ल्याइएन भन्ने गुनासो गर्दै यसपटक ऐन जारी नभएसम्म विद्यालय नफर्किने अडान दोहोर्याइरहेका छन् ।
प्रतिक्रिया